كنت رايح الامتحان
في قمة الروقان
مهو قالوا جي سهل
زي امتحانات زمان
و أنا نيتي صافية
و طيب أوي
و موصي الكل يدعيلي
أبويا و أمي و الجيران
و مصلي الظهر و العصر .. و المغرب و العشا كمان
مهي دي أيام بركه
بيشع فيها الإيمان
دخلت الكلية .. عمال أدور ع اللجان
واثق من نفسي اوي
و عمال آكل لبان
و عمال أغني و ادندن
و لا أجدعها فنان
أول مابصيت في الورقة
جتلي حاله توهان
زي مكون اتشليت
أو قرصني تعبان
دمي اتحرق
و حرارتي وصلت للغليان
هو الامتحان ده من كتابنا
و لا من كتاب العفاريت والجان
ليست هناك تعليقات:
إرسال تعليق